赤誠追尋神

耶利米書十五章十七節：「我因你的感動獨自靜坐。」

神希望我地知道，其實整個信仰都係恩典。神希望我地享受整個信仰。

黎緊教會有好多聚會，好多神跡，但記住無論你有幾多野做，你依然可以忙裡偷閒去親近神。

咁多年裡面，每一次聚會之前唱詩，我都會話返俾自己聽，陣間講道嗰個唔係我。所以我從來唔會為左陣間講道唱好Ｄ，希望神恩膏我。我直情忘記左係我講道。事實上都係，我出到黎只係話：「聖靈，你用我講你要我講的說話。」

一生當中，我地事奉既時候永遠都要記住：冇錯，事奉係好。但神最重要的係同你一齊既時間。

當你親近神或者敬拜讚美既時候，神要嗰刻，嗰剎那，幾十秒都好，佢擁有你。
淨係你同佢，你享受呢份親密，唔係當一份工作。

你去到神面前放鬆，安靜，好似你見返家庭一份子。
神唔希望你帶住一大堆工作，神呀，你幫我係呢個聚會做呢Ｄ，呢Ｄ，咁樣，你發覺你的聚會冇幾耐就麻木。因為你唔係當神係你既爸爸，你唔係當神係你既密友。

如果你返呢間教會，咁多年都學唔到呢樣野，咁你就唔知道，你牧師係一個咩人。
你一定要有呢樣野，因為呢樣野使你既信仰歷久常新，呢個就係個秘密。

親愛的神，讓我地知道你的殿係末後日子建立，唔係藉著我地既勞力，野心。
相反，係藉著你的恩典，你的愛，同你既甜蜜。

神你所珍惜的，就係我地真心真意黎到你面前，就算每日短短幾十秒，你希望我地享受你。

神啊，就讓今年我地知道我地人生的先後次序，知道信仰既先後次序。
讓我地赤誠既黎到你面前、倚靠你。