（續上．．．） 重溫96年北京之旅的照片，三個家聚，現在有一個已經不在了。 其中一對夫婦，當日曾是全職領袖，現在成了壞學生頭頭。 記得接獲他們離開教會的消息時， 我還像個娃娃一樣哭了起來。 現在知道，其實不需難過， 雙氧水事件，千年蟲行動，不過是神放在錫安一個大篩子罷。 那些認為「信仰就是為在短暫人生為自己爭取祝福安逸」的人， 神在給予更大群體祝福以前，都是會將他們篩出去， 教會見報後，主日進行了一次擘餅。 那次擘餅的訊息──摩西詩篇96 珍惜， 是除「神是愛」以外，我聽過最受感的一篇講道訊息。 ．～．～．～．～．～．～．～．～．～．～ 擘餅係記念主耶穌降世為人，為我地活左一生。 足足三十三年半，佢從來冇為自己打算， 冇為自己搵一個太太，搵一層樓，或者搵一份前途好既工， 佢活一生，淨係為左你同我！ 個杯就係記念，主耶穌為我地死， 甚至死係城外，佢冇資格死係家人、朋友當中！ 佢死係一個被人棄絕，棄置廢物既地方，好似賊一樣被處決！ 但佢咁樣犧牲，流出寶血係為左乜野呢？ 「何況基督藉著永遠的靈，將自己無瑕無疵獻給神， 他的血豈不更能洗淨你們的心，除去你們的死行，使你們事奉那永生神嗎﹖」 原來，你接受主耶穌既寶血，只有一個條件， 就係事奉永生神！ 主耶穌既寶血唔係俾你── 「啊，我得救之後做我鐘意做既野。」 「我唔對一喇，我做個平信徒咪得囉！」 係神的家係冇後退架！邊個教你架？！ 邊一節聖經話你聽你可以後退？！冇架！ 希伯來書六章講到我地信左主之後，只可以竭力進到完全， 人退後，係退後入沉淪！ 你覺得標準高。但係，其實，點解神要人事奉佢呢？ 點解主耶穌當日唔留係呢個地上呢？ 佢一定會事奉到神，冇人事奉神好過佢，係咪？ 係因為──事奉神係有獎賞！ 跟我講，事奉神係會有獎賞！ 係有永恆的獎賞！而主耶穌決定留俾你同我！ 佢死係十字架上面救贖我地，賺回我地既靈魂， 將救恩俾左我地，讓我地有資格事奉神； 佢做唒最難既部份，然後佢話： 「我知道我好多弟弟，妹妹， 佢地要同我一齊渡過永恆，我唔想佢地空手渡過。 呢ｄ永恆的獎賞同福樂，本來係屬於我既，我留低俾佢地！ 我做左最難個ｄ，我將最易既留俾佢地！」 所以，主耶穌留低神跡奇事，權柄，能力， 佢話我實實在在的告訴你，我所做的、你都能夠做。 點解聖經話天國裡面最細既，都比舊約最大的先知大？ 當你上到天堂見到摩西既時候，佢會好尊敬你。 唔係因為你叻，係因為主耶穌的寶血使你有一樣， 連摩西都冇既野──就係永恆獎賞。 除非你決定事奉神， 如果你諗住事奉你既嗜好，你的理想，你追求地上短暫既獎賞， 你唔好飲呢個杯！ 雖然你話你係基督徒，但你未重生， 你根本唔知道呢個救恩係幾咁值得珍惜， 幾咁偉大，佢既影響係幾深遠── 雙氧水最多救到一個cancer病人唔駛死， 但主耶穌的活水，係影響到永恆！ 詳細筆記按此下載 ．～．～．～．～．～．～．～．～．～．～ 很少講道筆記，我不單逐字做，而且不只做一次；這是其中一篇。 不是任何人叫我這樣做，也不是因為太空閒； 只是我真的很希望拿到這篇訊息所傳遞的信念， 擁有和牧師相同的價值觀－－而我是很認真的。 直至今天，牧師分享這篇訊息時迫切的語調， 札心的感力，仍然深印在腦中。 感謝神，信主第三年所聽的這篇訊息， 這十三年來真是逐漸確立在生命中， 成為我生命故事最主要傳達的訊息， 成為屬於我自己的價值觀。 天國路，相挽手，主引導牽我走， 今努力往天國，除淨了世俗陳與舊。 不退後，莫回望，不怨恨，無罪疚， 願能盡心交託，忘記困憂。 讓我心跟主相牽結伴行走， 求踏上天路，跟主話語緊扣。 盼在世的光陰，能為主見證， 述說主深恩奇妙及永久。 盡我心奔跑，拋開世俗裡擁有， 常隨著救主腳步不退後。 一生認真信靠著真理，我神是我源頭， 現深信衪掌管萬有。 |
全站熱搜
留言列表
