神喺創造宇宙之先,已經有一個永恆計劃,一直喺佢嘅思想裡面。

喺每一個世代,神都將佢嘅計劃講俾一d人聽。
呢d人嘅睇法,係同佢嘅世代唔同。
佢地睇嘅野,係遠遠闊過佢地嘅世代,同先過佢地嘅世代。

佢地活著、佢地呼吸,佢地所講嘅每一樣野,都係為著呢個使命。
呢個使命係神直接傳遞俾佢地。呢個使命就係神嘅永恆計劃。

呢d人係能夠超越佢地嘅世代,事實上唔係好多。
全本聖經,神只係話俾幾個人知。

亞伯拉罕→以撒→以色列→摩西→約書亞→士師→撒母耳→先知→瑪拉基→施洗約翰→主耶穌...

佢地每個人都用左一生,去完成呢個計劃嘅一部份。
而佢地每一個,都係承接前面個部份,去完成呢個計劃。
每個都係企喺人地嘅膊頭上面,喺人地完成嘅野上面繼續上去。
每一個信心偉人,都唔係孤單一人。

而每一個偉人,神亦唔係臨時諗起:「呀,搵d乜野俾佢做?」
神用呢d人係預先指定佢要完成嘅工作。

每一個世代,神都差佢嘅先知,講俾個個世代嘅人聽,打開佢地嘅異象,等佢地繼續完成神呢個計劃;但人好多時係唔聽。

因為人嘅狹窄,人永遠係見利忘義,人永遠睇事都係自我中心。

以色列人就係咁,入唔到迦南美地。
佢地會覺得:我地已經出左黎,自由喇喎,可以喺曠野食嗎哪,幾開心?何必入迦南冒險?

因為人嘅狹窄、自我中心,佢就開始利用神,而唔係俾神用。
咁佢地就唔能夠完成神個段時代計劃,呢樣就係神最憎惡!

人好多時淨係諗住自己短短幾十年有兩餐溫飽;以色列人就係咁。
佢唔會幫神諗永恆!

佢理得神你有個永恆計劃,神你永恆對住d乜野?
最緊要我呢幾十年當中有衫著,有個牧師名牌掛住,冇人趕我落台。

甚至有人講呢個永遠計劃,就搵石頭掟死佢。總之用盡一切方法,我攪掂而家呢個咁狹窄嘅異象。呢個異象就係:我呢幾十年最重要,永恆唔重要!

出十九5「你們要歸我作祭司嘅國度,為聖潔嘅國民。」
我相信以色列人會覺得呢段聖經係最無聊。
佢地會覺得:我地而家食緊嗎哪,你無端端講d咁奧秘嘅野出黎做乜呀?

以色列人一d都唔關心呢d,佢地淨係掛住吃喝玩樂,唔肯入迦南。
因為佢地係以自己曠野四十年咁狹窄嘅生命去厘定呢段聖經嘅價值,而唔係以永恆去厘定。

佢地已經達到自己嘅目的。
信仰去到一個極終,你達到你嘅人生目的喇,你真正嘅動機就出黎──
究竟係你用緊神,定係俾神用你?

有時好微妙架!好多時我地會俾自己呃到。

「神呀,你用我,你使到錫安有一萬人!」
呀,到有一萬人喇!
「哈,神你俾我呃到。」

所以神要睇下,亞伯拉罕係咪咁。
「哦,你信我,信我有仔生呀?哦...咁就睇下,而家我用緊你,定你用緊我喇。獻上呢個仔!」

神點解呼召約書亞、迦勒、摩西、大衛?神點解容許呢個計劃當中,有咁多試煉?

原來,神係想要一個永恆嘅天國!
神要得一個祭司嘅國度,有神嘅榮耀。佢地愛慕神,帶住神嘅使命,識得同神溝通,成為神同人之間嘅中保。
神要聖潔嘅國民,呢班人識得分別出黎,永恆同佢一齊都好歡欣、好快樂。呢班人係永遠屬於神,代替左撒旦同墮落天使。

點解神要我地先求佢嘅國?
有一日,你會知道,神係啱嘅──永恆係好重要!

(節錄自加拉太書293 永恆計劃)

.~.~.~.~.

今早重看了昨晚的文章與這篇筆記後,從我心裡湧出極大的感激:

「能夠有份於你的永恆計劃,這是我一生中,最大的殊榮...」

但話還未說完,已經淚流滿面,不能自已。

我的禱告是,神從當日,在我十七歲的時候,在我心中燃起的這份熱切,這份榮譽,同樣燃燒在今天,每一位讀者的心中。

讓我們有這福份、這榮幸,在年幼的時候,就開始參與神的時代計劃,完成祂的心願。一起完成天國,就是我們永恆的家鄉。

arrow
arrow
    全站熱搜

    赤誠 發表在 痞客邦 留言(0) 人氣()