當時我返到香港,智勇相全、以咁既歷煉!
同神單獨一齊既fellowship,幾有型幾勁!

但問題我缺乏左最後一樣野...
我未釐定我人生的最後準則,
我未將我人生建基係一個絕對、我永不放棄的準則上面!!

結果我返黎之後,半年就差d燒毀:
好似好多牧師咁氣餒,相信環境係冇辦法改變,
相信人生就係咁失敗!

但神將最後一樣野俾我:一個我永遠都唔會離棄的準則,
就係神的話一定要成為我人生惟一的一個準則,
惟一人生最高的指令!

我當時係一個燒毀的基督徒,當我見到
神的話係我一個將要燒毀的基督徒身上的改變係幾咁勁!
我親眼見到神的話係其他人身上的改變係幾咁大!
我見到亞賢、我見到全德、偉德、輔政,
我從未見過任何野改變一個人咁犀利!

我未見過任何一個牧者係屬靈裡面進到不斷日新月異的突破領域,
但直至我接觸到神的話!
我係我身上見到,當我同人分享我係人地身上見到,
所以你唔能夠說服我神的話唔得!

亞伯拉罕一百歲,佢見到神的話使佢生到仔!!
你唔能夠說服佢神的話唔真。
亞伯拉罕人生的準則去到一個絕對的信任,
佢願意將佢的仔獻祭,因為佢相信神可以係灰燼中叫佢個仔從死裡復活!!

呢個係經得起神考驗的信心,神話:呢個信心係真的,
呢個人唔係做俾我睇,佢的內心真係有個個實質,
佢絕對相信灰燼係會從死裡復活!

神話,呢個人就係信心之父,
呢個人經歷呢個旅程係冇白費!
呢個成為萬國都會受祝福的一個榜樣,
所有人學佢,都要經歷人生呢個以信心為本的歷程。

亞伯拉罕用佢一生客旅的生涯,成為信心的榜樣。
係你生命中,你都應該好似佢咁,願意一步一步跟從神。

步行有一樣好特別的野:
你唔能夠即刻去到,但每一步你所行的,
都使到你更接近目的地。



「其實神一直都係你身邊...」

「神呀,求你俾佢見返以前既自己,
係一個單純、信靠你既自己...」

「爸爸,我相信你是一個信實的神,
你一定會忠於你的應許,所以我都會忠心,堅持相信到底!」

「我想像父神正甜絲絲地看著我,
並且叫他的天軍天使、撒旦看著,地上有一個人信得過他。」

「我唔理乜野夠唔夠信心!總之我呢便點都唔會放棄!
醫返好係神既責任,唔關我事。」

「我不是靠自己的刀劍得地土,乃是靠你的右手,你的膀臂,
和你臉上的亮光,因為...你喜悅我。」


神呀,謝謝你,讓我能夠再次看見...

踏過成功、失敗和對錯,
我發覺不朽的,只有你的話!

我一生都不會再偏離,
你的話是我人生惟一的倚靠!!

    全站熱搜

    赤誠 發表在 痞客邦 留言(0) 人氣()