好多人對睇英文會有種抗拒，就好似我由細到大，除左課本我邊會主動搵英文書黎睇架丫．．．所以英文咪唔掂囉>< 破除呢種英文閱讀恐懼症，係o係我返教會o既第二年，當時呀傳威叔叔o係晚禱介紹 This Present Darkness 呢本小說．傳威叔叔講到好精彩架，靈界爭戰，我又咁鐘意睇小說，梗係好想睇啦！可惜，個時未出中文版（黎明前的黑暗），但係我知道教會有英文版借． o個個主日，我走去書室counter搵呢本書。嘩，唔係o麻！本書成寸厚，正常香港中學生一定唔會睇o個種！ 但係我又真係好想睇喎，咁咪借返去諗住試下囉，當晚返到屋企之後我就趴o係張床度開始睇． 但係．．．大家可以試試．．． http://www.amazon.com/gp/reader/0891073906/ref=sib_rdr_ex/103-4237177-1559825?%5Fencoding=UTF8&p=S003#reader-link 唔知你睇唔睇得明，但我當時就肯定唔知佢講緊D乜野 但係感謝主，龜兔賽跑式的「堅持」係赤誠一路以黎既絕招．．．雖然一頭霧水，我都繼續睇落去睇落去．我既目標只求大致上知道個故仔講咩，咁我發現又唔難喎，每睇幾頁我都估到小小（例如睇到第五頁我開始估到呢兩個人係天使喇，之前一直都唔知架），當然細節o個D就唔明啦． 你知o麻，當天父見你咁努力，佢唔會忍心唔幫你架。我就係咁樣堅持不懈地「估」左近百頁，突然有起色，我開始睇得明D角色邊個打邊個，同埋越黎越明個故仔講咩，跟住我就覺得．．．嘩，好好睇呀！ 簡直停唔到，於是o個晚，我由晚上12點追到第二朝8點，睇到雙眼真係痛到頂唔順至訓（當時放緊暑期）跟住中午一點醒左之後又再追，追到下午終於睇完！ 我幾驚訝．．．自己竟然可以睇得完一本咁厚既英文書！！！ 感謝主，突破左英文閱讀，一直以黎帶俾我好多祝福． 首先，英文對升學係非非非常重要架，如果你英文肥左，就算你其他考得幾好都冇用，都係升唔到大學．相反，如果你英文好，帶動你讀其他科都會輕鬆D，最少睇得明D書． 另外，無論你講緊邊一方面的資訊，屬靈又好，自然療法又好，投資又好，甚至係各種興趣，通常最updated的資料都係英文． 所以我好鼓勵各位莘莘學子，趁住而家暑假同開學空檔，試下開始睇英文書．咁o係呢度，我分享小小心得： １．其實唔需要一開始就睇D好似 This present darkness 咁厚o既書，因為真係會睇得好辛苦，所以我建議你揀本薄D既開始． 我第一本自己買既英文屬靈書，係Kenneth Hagin 的 New Thresholds of Faith． 如果你想開始睇英文書，不妨由Hagin個呢幾本關於信心的書仔開始睇（教會書室有得借），薄薄地，D英文又好簡單．而且呢幾本書真係好有恩膏（個時梗係唔識呢D字眼），好幫到我建立信心呀． 唔駛驚睇唔明喎，其實我借既時候（我係先借後買）連書名 Thresholds 呢隻字都唔知點解，哈哈，可能香港大部份中五學生D level都係咁上下^^" 不過睇落既時候，又冇想像中咁難喎，因為裡面既信心教導，都有個概念（個時返左家聚一兩年度），所以估估下都明既． ２．可以選擇一D你最有興趣的題目去開始． ３．可以選擇一D你已經睇過中文版的書，借本英文返黎睇．最好的例子當然係聖經啦，有睇開CJC都知我好鐘意Amplified Bible．因為唔識原文（希望有機會學啦），惟有搵本詳細D既英文聖經．AMP（增擴本）顧名思義，就係譯得好詳細既版本，你見我"現金流的啟示"裡面個一大段雅各書，就係由AMP搵返黎既，中文和合本本身譯得好短架！ 另一個強強烈烈推介係 Rick Joyner 的 The Final Quest（末日決戰）同 The Call（末日的呼召），因為呢兩本書真係百看不厭，每次睇都會有新領受，覺得好切身． 而且我覺得中文其實係譯唔唒，爭小小（好友熊貓在對比中英文後也認同），呢D咁重要的書，梗係唔想漏咁D啦． ４．我建議你儘量唔好查字典，尤其是唔好逐隻字查字典，咁樣睇法會好無癮架． 試下盡量靠前文後理來估，明到個大意就OK．呢樣野會好幫到你會考Comprehension（即是M.C）個part架． 同埋呢，以我既經驗，o係英文長句子裡面，深o個D生字多數都係配角，例如形容詞（Adj），副詞（Adv），大多可有可無．唔識o個D字咪跳左佢先囉．最緊要搵左個主動詞（Verb），明到個大意． 靠著那加給我力量的，凡事都能作呀，努力加油！ |
全站熱搜
留言列表
