close
四活物,或者呢十二隻牛,就係講呢個群體。 所以,神要我地做一樣野,就係我地真係願意付代價──破碎我地自己。 如果我地自己嘅得失係咁重要嘅話,你就會俾神嘅同在排斥出去。 神所要嘅,就係弟兄和睦同居。 貴重嘅油就可以澆在佢地嘅頭上;黑門山嘅甘露就可以降在錫安山。 因為佢地彼此幫助,彼此扶持。 做領袖嘅,願意將自己見到嘅,教導出去。 讓人藉住佢嘅眼見到真理,見到神嘅榮耀同埋真光。 做跟從者嘅,學習、好好鍛鍊一對明亮嘅眼, 能夠將佢自己所見嘅,用最好嘅信仰,最好嘅演繹,去傳遞出去。 使到呢個群體,遍體裡外都係眼睛;使到我地呢個群體當中,冇任何一樣野, 係干犯左神嘅榮耀,干犯左神嘅聖潔。 呢d嘅眼睛,係幫助我地,使到我地自己本身唔會干犯神嘅聖潔。 同樣,我地亦唔讓呢d干犯神聖潔嘅野,去接近我地, 响我地生命裡面,又或者响教會嘅體制裡面。 我地係需要彼此,冇一個人可以做到呢樣野;神要一個群體去做。 而呢個群體越大,就越好;越和睦同居,就越好。 但佢要係我地付上所有嘅代價,因為歷代歷世以黎,呢樣野都係好困難。 但係終有一日,呢件事會發生──神嘅國會完全臨到。 會有某一個群體,佢地作嘅每一個禱告,都係直接推上呢個天上嘅法庭。 而每一次都係戲劇性嘅得到應允。 呢個係我衷心嘅禱告,我希望錫安,係呢個群體。 好有趣!聖經統稱能夠上到呢個天上法庭嘅群體, 希伯來書就用「錫安」去形容佢地。 佢話:佢地唔係黎到西乃山,西乃山淨係有神講; 但我地黎到嘅係錫安山。响個度,有神千萬聖者,同埋神長子嘅會中。 並且有我地嘅主耶穌基督係我地嘅中保,佢講述嘅,係比約伯嘅血所講述嘅更美。 聖經記載,能夠進到神呢個義人嘅會中嘅群體,神統稱佢地就係錫安。 所以唔好辱沒呢間教會嘅呢一個名。 呢個名响聖經裡面,係一個好寶貴嘅名:係代表左一個能夠攜帶神嘅同在,並且能夠進入神呢個天上流動法庭,作出代禱代求嘅一個群體嘅統稱。 神呀,求你响黎緊嘅日子當中, 洗淨我地當中嘅軟弱,解開我地當中好多呢d嘅結, 讓我地嘅眼睛能夠响你面前能夠潔淨。 讓我地能夠一齊共同做四活物能夠做到嘅野,讓我地能夠保護神你嘅聖潔。 讓我地共同成為一個身體,一個真正能夠攜帶你同在嘅活物。 讓我地能夠彼此、互相去愛人如己,能夠真正付出我地恆久忍耐,我地嘅恩慈。 讓我地能夠响磨練當中,使到我地更加聖潔, 更加能夠可以站响神你呢個法庭面前,去事奉你。 神呀,求你使我地呢間教會,更加明白點樣去成為一個祭司。 每一日都提醒我地當中,呢d愛你嘅弟兄姊妹,成為一個祭司── 佢地嘅責任,佢地應該有嘅自覺。 They shall come and sing aloud on the height of Zion and shall flow together and be radiant with joy over the goodness of the Lord — for the corn, for the juice of the grape, for the oil, and for the young of the flock and the herd. And their life shall be like a watered garden, and they shall not sorrow or languish any more at all. |
全站熱搜
留言列表