好多人對睇英文會有種抗拒，就好似我由細到大，除左課本我邊會主動搵英文書黎睇架丫．．．所以英文咪唔掂囉>< 破除呢種英文閱讀恐懼症，係o係我返教會o既第二年，當時呀傳威叔叔o係晚禱介紹 This Present Darkness 呢本小說．傳威叔叔講到好精彩架，靈界爭戰，我又咁鐘意睇小說，梗係好想睇啦！可惜，個時未出中文版（黎明前的黑暗），但係我知道教會有英文版借． o個個主日，我走去書室counter搵呢本書。嘩，唔係o麻！本書成寸厚，正常香港中學生一定唔會睇o個種！ 但係我又真係好想睇喎，咁咪借返去諗住試下囉，當晚返到屋企之後我就趴o係張床度開始睇． 但係．．．大家可以試試．．． http://www.amazon.com/gp/reader/0891073906/ref=sib_rdr_ex/103-4237177-1559825?%5Fencoding=UTF8&p=S003#reader-link 唔知你睇唔睇得明，但我當時就肯定唔知佢講緊D乜野 但係感謝主，龜兔賽跑式的「堅持」係赤誠一路以黎既絕招．．．雖然一頭霧水，我都繼續睇落去睇落去．我既目標只求大致上知道個故仔講咩，咁我發現又唔難喎，每睇幾頁我都估到小小（例如睇到第五頁我開始估到呢兩個人係天使喇，之前一直都唔知架），當然細節o個D就唔明啦． 你知o麻，當天父見你咁努力，佢唔會忍心唔幫你架。我就係咁樣堅持不懈地「估」左近百頁，突然有起色，我開始睇得明D角色邊個打邊個，同埋越黎越明個故仔講咩，跟住我就覺得．．．嘩，好好睇呀！ 簡直停唔到，於是o個晚，我由晚上12點追到第二朝8點，睇到雙眼真係痛到頂唔順至訓（當時放緊暑期）跟住中午一點醒左之後又再追，追到下午終於睇完！ 我幾驚訝．．．自己竟然可以睇得完一本咁厚既英文書！！！ 感謝主，突破左英文閱讀，一直以黎帶俾我好多祝福． 首先，英文對升學係非非非常重要架，如果你英文肥左，就算你其他考得幾好都冇用，都係升唔到大學．相反，如果你英文好，帶動你讀其他科都會輕鬆D，最少睇得明D書． |
- Aug 20 Fri 2004 11:44
英文閱讀
- Aug 20 Fri 2004 02:10
摩西詩篇530 你們是神，都是至高者的兒子
節錄自主日訊息──摩西詩篇５３０
讓我顯真光愛心，要釋放我熱情無限，
面向那永遠天家，我不再依戀這世間。
為你獻上每一刻，深知道光陰不再返。
衷心獻我禱告，我現陳情祭壇，
一生要獻光輝愛意燦爛，
一生要獻真心敬拜頌讚。
節錄自Rick Joyner末日決戰
我看著這上了年紀的鷹，第一次注意到他破損的羽毛間有好些疤痕。
不過，那些疤痕並不難看，而且還鑲著金邊，
那金邊不是金屬，是用肉和羽毛作的。
然後我明白，使鷹身上散發出榮耀，也使他的同在如此可畏的，正是這金邊。
「這些疤痕是我們將永遠佩戴的榮耀，
這就是爲甚我們的主到了天上，仍帶著傷痕。
你不僅看得到祂的傷痕，也看得到所有蒙祂揀選的人，
- Aug 19 Thu 2004 03:37
學業心得４．通用能力
|
