赤誠追尋神

溝通有多重要？

即使出發點都是愛神；
本來就是完全不同的肢體。

不同的性格，
不同的背景，
不同的經驗，
對同一件事都有完全不同的理解角度。

善意的期望，沒有表達出來，
久而久之就變成失望與誤會。
越是重視對方，感受的傷害就越深，
慢慢演變為積怨、憤怒，
多年關係，一朝竟決裂！

神期待在祂兒女之間，
存在一份真摰和睦的關係，永恆快樂地共處。

如果你真是珍惜你同領袖之間的關係，

弟兄和睦同居，是何等稀少，何等珍貴。

就算我怎樣調配先後次序，集中火力，專攻某幾個領域，窮我一生，真係藉著自己同神之間的關係，第一手啟示，晝夜思想，再加上撒種、磨鍊而塑造出來的個人特質，事實上是很少，很少。

神都知。所以佢至要我地藉著和睦，互相欣賞，讓彼此的特質，恩膏互通。

撒旦會盡可能破壞弟兄姊妹之間的合一，用盡一切方法，一切詭計。千祈唔好上佢當，要知道，和睦同居是父神的心願，是祂很希望看見的。

所以，第一係繼續努力，讓神在你身上塑造更多出類拔萃的特質，好使你可以貢獻更多屬於你個part。

第二，欣賞身邊的弟兄姊妹，特別係個D同你好唔同，甚至完全相反的特質。唔好排斥佢──你自己有個D你就覺得重要，你冇個D你就覺得唔重要，咁你邊有心向其他人學o者？
爸爸，幫助我，存心謙卑，看別人比自己強。其實你一直有將一ｄ好既領袖，好既姊妹放响我身邊，只係我唔識得珍惜，揀黎學。

發展一個同人相處，好既性格，係好重要；好既溝通，係好重要。當我朝住呢個目標，呢個方向去發展，我就發現．．．
嘩，真係有好多野要學呢！！

神用咁多年栽培你，
o係你身上係有某些好的特質；
但如果你有太顯眼的瑕疵，
就好似一粒珍珠，外面包滿污泥，
係好攔阻人見到你的特質，
甚至好易絆倒人。
如果你堅持留返呢ｄ污物，
保留你自己的style，
咁神就只能夠放棄用你。

「呢個禮拜為妳祈禱既時候，
我好感受到妳係好願意跟從神的心，
o係妳信仰裡面，妳係好渴求神會用妳的，
神俾左我一首詩歌，叫我俾妳：

讓我生命，交予在你手中，今我呼求．
被你選召，請計劃我一生，
今我誠意付出，求用我！
容讓這熱切心靈，全被塑造與指引，
我樂意被你熬煉，願你今差遣我！請你用我！」