北上回來以後,其中一樣要趕課的,就是學車。
因為考試早定在7月4日早上(大家有空請為我代禱啊 ^^),
但截至6月3日回港,我只上過一堂課!
我的學車師傅,是位上堂時有電話入都不接的盡責師傅,
非常警覺地留意路面情況,也密切留意我的一舉一動:
「你俾咁多油做咩呀?漸進式慢慢加丫麻。」
「你隻腳係咪真架?識唔識郁架?做咩唔踩腳制?」
「隻手做咩捉到個呔盤咁緊?個手指弓唔係咁擺。」
「做咩貼到人地架車咁埋?岩岩話完你又係咁!」
在開始時,其實我也有個試探想回應他:
嗯,師傅,其實我只係學左兩、三堂啫,
我都好想同時做到唒你所有要求,
好流暢咁同時兼顧油門、腳制、呔盤,
又可以同周邊每輪突然其來的車輛保持兩尺距離,
不過現階段我連邊個係油門,邊個係腳制都仲要諗一諗,
你可唔可以俾d時間我熟習下先? XD