話說某個家聚D姊妹不嬲活躍好動,多才多藝,不過就宣告女性化^^(我認識佢地當中一個姊妹,自己用木材釘一個四層書櫃出黎!!
咁有一次,佢地個家主就叫佢地宣告:「我其實係個姊妹黎架!」

雖然我家主從來冇叫我咁樣宣告,(佢只係曾經講話我要改個好女性化的英文名遮^^)但赤赤都係宣告好女性化架喇.

身為我既好朋友,皇后常常為我著急:「你買下衫啦!你唔好揹個bear bear袋返主日啦!!」連阿皇上,美術總監都唔抵得,同佢老婆講:「你叫佢唔好再著呢d鞋啦!」

但你知啦,對我黎講,嘩,又要花時間行街,又要花時間襯衫,又要駛咁多錢,真係好大代價架麻,我搵唔到咩理由要俾咁大代價去打扮!

但最近我搵到理由喇!

(唏,唔好笑呀,我知你諗咩架...今次唔係講緊個樣)

上星期赤赤好努力咁去行街買衫,星期六晚又跟住皇后去姊妹度買衫.上到去,成班大姐姐係度,咪係咁笑我囉...
某領袖講笑話:「嘩,個次主日見到你條褲,真係好唔掂!我心諗:你唔係陪談呀!」
阿皇后乘機:「係啦,你話下佢啦,我叫極佢都唔聽呀!」
咁我只有頭dub dub:「係呀,而家改緊架喇。」(真心架)
跟住o個位姊妹指住皇后:「你有D咁既良朋益友,真係感謝主啦!」
咁問心個句,我o係皇后身上真係學到唔少野架!

星期日聚會前我竟然放棄「辣」埋一便做網中人(無線上網),群埋d姊妹度傾計、講買衫,對我黎講都可謂一個大突破呀~哈哈,
不過我其實最主要係想模倣姊妹之間點樣相處同溝通....唔知算唔算係實踐緊詩篇一三三,姊妹和睦同居呀^^.

今日lunch我諗下:d姊妹成日搵呀Tracy,不如我又去搵下Tracy啦(唔係幫佢賣廣告).
不過計計下,嘩,買左咁多衫,如果再去整頭髮,今個月真係好大支出呀...

咁跟住呢,我心裡面有個感動:爸爸話佢會支持我喎.
不過呢d真係好容易係聯想,所以我都當佢係聯想.

你估下晝發生d乜野事?

原本我知道黎緊4月打後,公司會開一個新部門,我可能有份負責做;如果真係攪得成,我到時會升職.
但估唔到而家根本未開新部門,我仍然做緊以往既工作,我又冇要求過加人工,老闆又冇同我傾過,咩動靜都冇...今日無端端出memo升我職,1月1日生效!

感謝主,咁我就可以提早加人工,有錢扮靚靚喇,哈哈!

arrow
arrow
    全站熱搜

    赤誠 發表在 痞客邦 留言(0) 人氣()