赤誠追尋神

讓我奔跑，要頌唱，願你加給我力量，
面向終點，越戰越頑強！
讓我奔跑，勝過路障，沿途為我主頌揚，
讓這生成為韻樂，要將心獻上！

嘩，很喜歡這首詩歌呢，
真是很表達到我的心聲啊！

近幾個月，我們的家聚愛宴除了客家盤菜，肥牛醉雞火鍋，鮮雞粥等美食，還加入了更吸引的環節，就是live band伴奏！

赤誠的彈奏技術宣告很掂，再加上怯場。第一次彈keyboard的時候，雖然已經選了個人最熟練的「飲歌」──「耶穌我主啊」，但一落手彈的時候，雙手就不停發抖，震幅之大，個琴冇俾我震落地都真係好感謝主，哈哈。
發顫的聲音本應幾有感力，不過我根本細聲到．．．較音響的弟兄猛咁扭大我頭mac個volume都冇用。我唱左一段之後，就覺得．．．獻醜不如藏拙，我掹左個頭mac交俾皇后：「你唱啦，我唱唔到。」（皇后可是唱歌班的高徒。）
當我放棄既時候，家主好好，特登走埋黎鼓勵我：「你唱到架，你當自己o係屋企沖緊涼咁樣，唔好理我地，大聲唱到隔離屋都聽到。」

既然家主咁講，我當然係順服啦。
平時大家都係照常食野，今次當我彈既時候，ｄ姊妹特登停唒手用好支持既眼光鼓勵我呀！彈完家母仲讚我彈得好（彈成咁都讚，絕對係出於母愛呀^^"），我覺得好warm呀！
好感謝家主，俾機會我地，特別係我地呢班姊妹，都可以享受夾band的樂趣。

因為鐘意大衛，以往我都理所當然覺得自己應該响音樂方面發展。
不過，經過多次的思考，我發現呢．．．其實我都係．．．鐘意文字、研讀多過音樂呀。你叫我死練一兩首歌都仲得，但真係講到music sense，點彈先好聽，拍子，我就真係．．．。
哈哈，唔緊要啦，我地互為肢體，各盡其職麻！

尋晚五位弟兄合奏「心堅守真理」，真係好好聽呀！皇上唱主音，仲有弟兄唱和音。一加和音，成個feel都唔同唒，又彈到好民歌feel。
好聽到．．．我忍唔住好厚面皮咁問幫佢地錄音既弟兄：「我可唔可以要個copy呀？」個弟兄有名你叫「愛心」，最後當然係．．．^o^