我希望今日聽完呢個教導之後，我希望你全日都常常去睇一個圖片：
我地弟兄姊妹係一同奔跑呢條天路，我地好虛陷，好熱鬧，向住同一個目標去進發。當中，我地會彼此傾談、彼此造就，彼此成長。我地响信仰上行呢條路，我地唔係停頓既。我地放低家庭、事業、一切工作，奔上神既聖殿去認識神。
呢度就係形容緊一幅咁樣既情景──
佢地互相扶持，而唔係互相競爭。
佢地為左信仰一齊付上代價。
我希望你今日全日想像下你同你教會既弟兄姊妹都做緊呢樣野，一齊响呢個屬靈天路當中奔跑。
我希望你思想：响奔跑呢條天路當中，你會為你身邊既人做ｄ乜野？有邊ｄ人响呢條天路當中，需要你既幫助，需要你伸出援手？
當你咁樣去睇既時候，你生活當中有ｄ乜野，應該改變？你應該做响人地身上，去幫助人、去建立人？
弟兄姊妹一齊非常融洽既相處，神講話：呢樣係何等既善，何等既美。神係看我地係生命當中做左一件好美麗、好美好既事。
我唔係講緊大家表面上，膚淺既爭下鄧仔，聚下餐，我唔係講緊個ｄ和睦同居！
我講緊個ｄ真係彼此為對方建立一個空間，讓別人成長。
能夠為別人著想，甚至响自己既太太、仔女面前，都唔會失見證同榜樣。
响自己帶領既跟從者面前，唔會放縱自己．．．
我講緊呢種真真正正為別人既信仰努力既光景──係非常之珍貴。
所以，唔好當你奔跑呢條天路既時候，淨係單單看你既信仰好重要，
你要看整個群體既信仰，都係好重要！
你身邊既人，你扶持佢，在神眼中係何等既善，何等既美！
人生其實有好多甜蜜既事情，神讓你只能夠响彼此關懷，互相照顧底下，先至可以建立。
所以，何不今日就立志：你過一個絕對唔孤單既信仰──
你從今日起，願意照顧人地既信仰，願意先考慮別人既事。
願意响你既信仰當中，唔絆倒人，唔响別人面前失見證。
甚至係你最親既人，你都願意為佢地既原故，為天國既原故，响佢地既面前，
一生持守，一生堅持自己既宗旨，唔放縱。
亦唔會係呢ｄ你身邊最親近既人面前，反而失盡主耶穌基督應有既見證。
--------------------------------------------
在我的成長過程中，我與身邊每個人的關係，深入來說，就是「競爭」與「要求」；
這套訊息對我來說，很重要也很具啟發性。
「我希望今日聽完呢個教導之後，我希望你全日都常常去睇一個圖片」
這幾天，我嘗試按著牧師的方法──
嘗試在想起每個人的時候，在默禱的時候，在從一處地方走到另一處的時候，都去思想這幅圖片，宣告這節經文．．．
當我這樣做的時候，我發現我對身邊的每個人，都開始有著很不同的想法；
並且，我真是很想、很想把「弟兄和睦同居」這幅美麗的圖片，建立在我生命裡．．．
留言列表
