| (轉自四四的留言板) 赤誠93年8月返教會，94年4月受浸。 當時其實我同神冇咩個人關係架乍。對於父神，我好有被否定感... 覺得佢唔會留意我...覺得佢...甚至...甚至會唔鍾意我，因為我覺得自己好多野都做得好差... 之前o個晚禁食，媽媽問我：點解唔食呀？ 我話：聽日受浸呀。 媽媽：你真係信架？ 我點點頭。(雖然我個人唔係好感受到神，但係從別人身上，從神既家當中，我好肯定係有神...所以o係我內心裡面，我係已經認定要跟住呢位"別人所講的"神。) 到左恩賜運作既時候， 首先係成分幾鐘既dead air... 小三三好傷心：都話神唔記得左我架喇... 終於，有人開聲喇！ 神第一句就話： 神冇忘記你丫! (你可以想像我即刻喊到fee li far 呢) 你係有份o係呢個大豐收，大復興裡面， 但係要留意係你既感情上你唔係咁識得自處… 跟住又係成分幾鐘dead air,嗚…寶貴既時間一秒一秒流失 結果我既恩賜運作係十個人當中最短既。 結束既時候，弟兄講話： 我感受到神好愛你，有一種好特別既愛係你身上。 在於當時，我真係唔覺得神愛我，但係今日回頭望返，每一步都係神既計劃。 神知道我係一個極之憑感覺既人，所以佢為我度身訂造一個課程，讓我學習抓住佢既話，聖經話神愛我，神洗淨我一切罪，我就更新自己既思想，相信神愛我，去除罪疚感，而唔係靠經歷，憑感受。 神亦知道按住我本身既性格，我只會一生將信仰建立o係別人身上，靠別人經歷神，靠別人為我醫治祈禱，靠別人幫我聽神既聲音…但係神要我同佢建立個人關係… 其實神真係好愛我，只不過佢既意念非同人既意念。 所以，如果你覺得神忘記左你，你覺得神離你好遠，你覺得神好似永遠都唔會用到你，抓住神既話丫，用神既話更新你既思想。經歷，感受就會跟住改變，但更重要既係，你會越黎越似神，越黎越親近神！ Original posted on 8-12-02 |
全站熱搜
留言列表
