赤誠追尋神

「我見到教會好多恩賜運作，不過我自己成日都唔得既？！」
其實你係見唔到自己做到。
當我地見唔到自己做到，人地叫我地做呢，我地會驚，我地即刻會覺得係有壓力。
因為你見唔到自己可以唱到詩，講到道，你就會驚，而你就算死練都冇用。
你冇個種自信，冇個種把握。
係因為你冇辦法見到。

所以，如果你鍛鍊到你自己見到．．．有ｄ人見到，佢就會雀雀欲試。好想自己試下，錯左唔怕，頭崩額裂，都再試過，因為佢見到自己做到丫麻！

所以你搵出自己的弱點，加力量俾自己。
你講出黎，而讓從你說話當中你創造一個世界，裡面你係做到個樣野。

說　你自己做到。
讓你見到你係點做個樣野，同埋做成點。

你的弱點常常响你既腦裡面，係以弱者的形態出現：
「你係講唔到道架喇，你係領唔到詩架喇，你係怕羞架喇，你係唔識表達架喇，你講野唔得架喇。」

佢會以另一個形態，就係「唔得」的形態出現。你會見到自己失敗，你見到自己响個件事出醜。

如果你唔識得用說話打碎佢，o個個形態變成一個你已經predict到，預計到，你自己會失敗的形象出現响你的腦裡面，你揮之不去。
你越黎越怕，當人地一叫你做既時候，你就會驚，你就會有壓力。

所以搵出你的弱點，打碎個個假的形象！唔啱的形象。
講出你自己想建立的形象。

第五，搵出你想改的壞習慣，或者壞的性格
當然你好清楚個ｄ係乜野，人地成日話你個ｄ，話到你已經嬲，因為你覺得你自己都改唔到，佢仲話！

「你明知我改唔到，你就唔好話啦。」
但係，你要做的唔係人地話。而係你自己搵出你的壞習慣，壞的性格，然後講俾自己聽：
「我再唔係一個小人！我再唔係一個冇耐性的人！我再唔係一個大頭蝦、唔自律的人！」

如果你唔講，你唔攻擊自己的軟弱，你已經認同左，甚至人地挑戰你的軟弱，你仲保護佢，咁佢就變成營壘，變成「你」的軟弱。

但係你有神的形象，神的性情。你有那加給你力量的，你其實凡事都能作！
如果你唔講出黎，你唔會產生信心同佢調和，甚至你否定佢或者忘記佢。

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

「你的弱點常常在你腦海中，以弱者的形態出現──你看見自己失敗，你看見自己做不到。如果不懂得用說話打碎它，那個形態就會變成一個你能夠預計到，預見到的失敗形象，在你腦海中出現，揮之不去。」

事實就是這樣──我一直很清楚自己的缺點，某些範圍，某些性格，在我思想早已有一個根深柢固的錯誤形象。

「我係細路仔脾氣，付唔到責任架喇；我係好敏感、怕人架喇；我一同領袖講野就會緊張架喇；我係唔合群，鐘意匿埋一便架喇．．．」

即使我如何掙扎，希望改善，當某種環境，某些人物出現，我又會照著這些自我形象角色扮演。
因此，以往我只能被動地，儘量避開這些個人的死穴位。

但自從得到「說」這個key以後，在這些「死位」面前，我再不是那個沒有還擊之力，苦苦掙扎的弱者。相反，我看見我是一個手持必殺武器，聖靈寶劍的勝利者，是可以很輕易勝過這些軟弱的。

一些多年來領袖提醒完一次又一次，我都覺得無力改變的性格。現在我看見，其實我是可以做到的！
這個教導，讓我的自我形象急劇演變，就像是為我打開了一扇又一扇的門。
我看見前路有著無限的可能性．．．一道期待已久的highway。