二．了解自己
點解主耶穌不斷提醒法利賽人，唔好偽善，佢都要繼續做落去？
因為佢唔了解自己。當你指出佢既錯誤時，佢話你唔了解佢。
世上令人最唔了解自己既，就係自戀狂。
有ｄ人永遠唔可以訓練成為領袖，因為佢唔了解自己。
最慘係，越唔了解自己嘅人，越覺得佢了解自己。
當你一講佢的盲點，佢即刻口黑面黑，佢唔開心，
佢覺得你咁樣睇佢──我唔係咁嘅人，點解你咁睇我？
佢將自己嘅缺點看為優點，當人將事實指出黎，佢唔能夠接受。
法利賽人唔了解佢故意做俾人睇係錯嘅，係會敗壞人，亦得唔到神嘅獎賞。
但你話佢咁禱告係偽善，佢覺得自己係真誠。
呢ｄ人次次搬個問題出黎、搵你幫。
當你指出：「你有呢個問題係因為你有呢個性格。」
佢唔想你講佢嘅性格，佢覺得你唔了解佢。
法利賽人從來冇腳踏實地行响信仰裡面，佢遺留响知識裡面。
呢ｄ人你唔俾新野佢，佢唔服你。
你一同佢講：你要做呢樣。佢會話：「我都知啦，我都明啦。」
但佢冇將佢知嘅野活响佢行事為人裡面。
「你唔好消極。你唔好不信。」
「我都知啦，駛乜你講！講ｄ新野俾我聽！」
但你連一ｄ咁基本嘅野都唔腳踏實地去做？！
法利賽人有好多知識，但佢連咁簡單──禱告唔好故意俾人睇佢都做唔到。
因為佢唔會將一丁點真理付諸實行。
偽善唔係佢唔知道「善」，佢知，但佢冇實行出黎。
而喺佢心中，佢比好多佢識嘅人更加好，
只不過佢唔明點解自己咁多問題。
一個唔了解自己嘅人，簡單黎講，
係會重覆又重覆喺返自己嘅問題，自己嘅罪裡面。
領袖係需要領袖的挑戰。
有ｄ人講：家聚負責人counsel我、唔掂嘅，
如果日華counsel我，佢會理解我嘅奧秘。
如果你的家主counsel你，你覺得佢睇唔起你，
我counsel完你，你可能想跳海！
因為你連一個平信徒嘅挑戰都受唔起，唔好講話受一個領袖嘅挑戰。
我要求展鳴，每個禮拜都有新歌唱，我俾佢嘅標準係香港冇人做到過。
因為佢係領袖，所以要接受領袖的挑戰。因為咁使你長大。
留言列表
