續 神的時代計劃
我地既工作唔係攪掂你自己既信仰咁簡單！我地係可以打敗巴比倫呢個系統！
有一日，當我地喺香港呢個地方確立左天國既系統，神會成為佢軍隊既元帥，踢走天上屬靈氣惡魔。到時你會見到，天上執政、掌權的有咩變化──行神跡會好易，帶人信主會好易，ｄ人既心田會完全唔同！威爾斯大復興典型就係，天空屬靈氣惡魔改變左，一腳踢左佢落台，擺左神既使者上去。
但我地個人係無辦法做到架！就算主耶穌當日活喺呢個世上，佢都唔能夠一日帶三千人信主、成為愛主既門徒。因為佢顯示既，只係一個個人，一個神跡佈道家既榜樣；但教會卻能夠顯示到信仰既面面觀──有人做生意、有人做文員、教師、學生、家庭主婦，各自喺佢地既崗位當中見證神。
喺呢個受膏既系統下，弟兄姊妹和睦同居，有咁多唔同既榜樣，ｄ人一信主好快就改變、好短時間就愛主。因為有跡可尋，佢地知道點樣做。
如果我冇呢間教會，呢二十年我自己笠埋喺屋企睇聖經，我做唔到今日，更加似主耶穌基督。我係需要你地，而你亦需要我。我地係彼此需要！
你地每一個人既突破，第日會帶黎一個群體既突破。群體既突破令大山都要溶化、小山都要流奶，連政府、政要都會願意祝福呢種事奉。我相信，喺今年，我地就要入去。
而家你就明白點解撒旦千方百計要拆毀弟兄和睦同居，佢最鐘意製造紛爭、混亂、人事糾紛──係呀，「我地個個都勁，勁到好似日華、傳威咁」，但你各自為正就收工啦！因為我地個人係打唔敗一個系統！
打敗天空屬靈氣惡魔，唔係叫你搭架七四七上去做ｄ乜野，當神對我地滿意，佢會喺靈界去做。係神趕走迦南人，但要佢既子民去接收！我地要做既就係和睦同居，知道呢樣野係幾咁緊要！
撒旦不斷挑動以色列人埋怨領袖，佢地要得到佢地想要既野。但教會存在，係為左讓神得到佢要得到既野，唔係讓任何人得到自己想得到既野。因為我地有一個好大既計劃，喺神既腦裡面。個個唔係你同我既慾望，個個係神既計劃！
「這是照神從萬世以前，在我們主基督耶穌裡所定的旨意。」
呢個計劃係神喺創世以前，已經設計左，全人類既歷史就係為左呢個程序設計。
點解主耶穌話我地一定要努力進天國？
當我地進入天國呢個系統，我地就會進入神所建造既核心！
神所最寶貴既，就係聖潔的國度、君尊的祭司，係神歷代歷世以黎所建造。
唔理你信左主幾耐，只要你一進入神所建造既核心，歷史就圍住你轉！
呢樣唔係因為你偉大、你信心夠，因為個個係神所建造既核心，就係咁簡單！
「嘩，你話，世界都要圍繞住你旋轉呀？你好驕傲喎！」
唔係驕傲。世界不嬲都係圍繞住佢既計劃轉架啦！我地只係行入佢既旨意當中。
而家唔係假扮謙卑、去批評論斷既時候，我地呢一年最緊要知道自己既身份，同埋神做緊乜野，快ｄ進入佢既計劃當中。
神用左一百二十年去種呢間教會、呢個復興有我地份，我地能夠入到神呢個獎勵計劃裡面，係幾咁珍貴！
但唔係因為我地叻、或者聖潔；係因為你願意接近聖潔，同埋更似神。
呢個係神建立佢既教會，我地只係懂得跟隨，而進入呢個計劃。
我地已經拍入去神一個好大既時代計劃當中，而呢個時代計劃，喺歷代歷世，只有好少拙人，一個餘數，願意付上呢個代價，跑到去。新族類就係個ｄ，係每個時代當中，接到個一棒既人。。
但神親自同我講，跟住亦用好多國際先知去印證。今日好明顯，喺呢個時代，我地就係呢班人，我地要踏進去。
好好珍惜呢刻！知道我地而家所建立、所擁有既，係幾咁珍貴！
讓我心裡禱告達於天，願你繼續降下這春雨，全地悔罪仰望我恩主名字。
期待終會等到這一天，能力國度遍地裡彰顯，榮耀救贖盼望與光輝呈現！
留言列表
