神藉著每個人的一生,都在傳遞一些信息,
給他所處身和以後世代的人去知道,從而完成神的整個時代計劃。

這些信息,是用一個人的一生,
所有的時間、性格、背景、心志、事跡,
每次的起與跌、每次的決定,
整個成長過程和演變,來編寫和表達,
所以每個人能夠傳達到的訊息,事實上不是很多。

所傳達的訊息,每個人都不同,
有些人所傳達的,是較重要的訊息,
有些人所傳達的,是較次要的訊息,甚至是一些反面教材...

但無論如何,如果你願意接受這個使命,
按著神的帶領做你該做的反應,說你該說的對白,達到每段時候該達到的里程,
用你的一生、用你的所有,完完整整地將這個角色、劇情,當中蘊藏的訊息表達出來,

你就能夠成為時代路徑上、其中一個signpost,
讓人有跡可尋地尋找到神的心意和腳蹤。

.~.~.~.~.~.~.~.~.~.~.

哥林多前書 一章二十七節
「神卻揀選了世上愚拙的,叫有智慧的羞愧。
又揀選了世上軟弱的,叫那強壯的羞愧。」

「軟弱」呢個字原文直情係指:
「無能力、渺小、微小、次等的」,
代表左呢樣野係會被人廢棄、唔要的意思,

原來神就係揀選左呢D軟弱、次等的人。
好似大衛咁,大衛喺佢屋企裡面,可以話係唔起眼的。

但係呢D軟弱、喺神的戰略當中,係有用嘅,
原因就係:軟弱的人係好輕易願意放棄自己的雄心壯志;

一個被人遺棄的人,係會願意放棄自己的私心,
因為,就算佢放棄自己認為最好的野,根本,喺世界當中都視為普通。
佢為神所放棄呢D的金錢、所謂呢D的地位、
放棄所謂人地的尊重,本身就已經唔係好多。

換句話講,佢唔係有好多錢,好多人的尊重、又或者好多人的友誼,
你要佢放棄呢,佢好易喎!

亦係因為咁,所以大衛好輕易就跟從到神的戰略;
神要佢變、佢變,
神要佢改、佢改,
神要佢放棄、佢放棄,
佢對神唯命是從。


神好多時喺歷史上選擇好多自卑嘅人,
原因就係呢D人搓圓就圓、搓扁就扁。

Benny Hinn只不過係一個漏口的人。
但係,神卻用呢個漏口的年青人,去帶起一個時代的復興。

就好似當日的大衛,就好似當日我年青的時候。
其實當我回想的時候,我發現有一個共通點:

呢種卑微、呢種被人藐視、
甚至我們教會喺呢十幾年,受好多香港人的奚落同攻擊;
但亦係因為咁導致我地能夠完完全全肯跟從神的戰略。

我地冇乜野留戀架喇,冇乜野功名利祿可以留戀,
冇乜人去讚我地有神的同在呀,有神的恩膏架喇。

但亦係因為咁,我地為神放棄的野反而就少左。
在我地黎講,就冇乜野可以攔阻我地去全心全意去跟從神。

當時的大衛,就係咁既光境。
而事實上,係相輔相成的──

因為撒但其實好年少的時候,已經見到擺喺大衛裡面的潛質,
所以,喺好早期,撒但已經用好多方法去攻擊佢地。

但係神亦順理成章,用呢個情況導致佢的教會謙卑落黎,
導致佢的教會肯接受神的帶領,肯接受聖靈的感動,
成為聖靈的partner,去背負聖靈喺嗰個時代的計劃同責任。



「從小到大,你身邊的人,你家庭的人看你都是平平無奇,在人群中不突出。
或許人會覺得你沒有甚麼過人之處,沒有甚麼才能,不能作甚麼大事,
但你回應了神對你這份恩,所以神也尊榮你。

我聽到你在神面前作出一個一個委身的禱告。
很印證其他姊妹所說,內心你早已決定:
無論生死,你對神的信靠與跟隨,是堅定不移的。

因為從信主到現在,你相信沒有任何事情比神更寶貴,
你知道如果沒有神,你便會失去一切。

神在你生命中的揀選,是真實的。
在人看是不配,但神看的,是你這顆心。」

即使是一個很軟弱平凡的人,如果他真是以神為人生中至寶,
毫無保留地將一生奉獻、跟從神,
神就會揀選他、親自塑造他,將不尋常的祝福和恩膏加給他,
讓他成為一個傳遞訊息的使者、一個引路者,
讓其他人有跡可尋地尋找到神的心意和腳蹤。

我知道神用我的一生、整個故事和經歷,當中每個轉接和劇情,
就是為了傳遞這個、很簡單的訊息。

當中雖有許多得與失,起與跌,
但能夠在我所愛的神,祂親自參與、親手編導的劇本中擔當一個角色,
這是我一生中,最大的榮幸!

    全站熱搜

    赤誠 發表在 痞客邦 留言(1) 人氣()