赤誠追尋神

領袖有個好大的試探：故意做俾人睇。
故意做俾人睇就係係信仰上出貓，想快D有果效，但係冇真材實料。

普通人普通一個禱告，領袖諗住用黎見證我嘅屬靈，
詐第敬拜讚美俾你睇，見證神係值得讚美丫麻。

佢用好多好屬靈既理由解釋點解做俾人睇：做個榜樣麻．．．
其實佢係呢個人生試場上追唔上，就出貓。

要竭止你以後都唔故意做俾人睇，你要知道三個鑰匙，
故意的壞處係多過好處：

一．了解神

當你了解神，你就唔會加速自己屬靈嘅高昇。
「他們已經得了他們的賞賜」係一個好大嘅咒詛。

舉個例：約瑟從來冇得佢身邊人的幫助，反而不斷俾人害。
每一次約瑟做D啱既野，應該係人讚佢，尊榮佢，但佢都得唔到獎賞。

係我地人生當中，我地應該得到獎賞，得人讚，得人認同嘅時候，你就係得唔到。
但如果你了解神，你就知，
神讓你咁經歷係佢唔想你仰望人，仰望人地嘅手好似等人施捨。
你記住，人俾你嘅高昇，人隨時可以拿走。

約瑟一生只可以仰望神，佢一生冇一個人唔令佢失望。
但係當你了解神，你知道，
約瑟一生裡面的獎賞，神從來冇忘記，不過係神既帳簿計緊利息。

如果約瑟一早得到佢想得到嘅野，佢最多早兩年出監，佢唔會做宰相。
所以法利賽人「已經得了他們的賞賜」係幾大的咒詛！

你故意做，你得到你想要嘅野，你唔駛等，但亦係得咁多，冇喇！

好似射丫叉，當你將粒石仔向後拉，你唔放住，
向後拉，再向後拉， 一放就射得好遠。
約瑟係得得遲，但佢失去嘅，神全部一次過俾返佢。

但法利賽人嫌慢！
冇錯，「故意」可以產生即時果效，即時人地睇得起你，
但你記住：人俾你的高昇、人可以拿返。
你每樣野都係人俾你，你每日心驚膽跳，驚有人叻過你。

喺我一生中，我試過好多次俾神拉後，
按住我地教會嘅質、預備，對神嘅話嘅認識，同心嘅程度，恩賜，領袖數目，
我地應該已經有五千到一萬人，但我地維持只有幾千人，
但神一釋放出黎，冇人可以拿走。

你人生好多DRAWBACK只係利疊利。