赤誠追尋神

我的救主，深恩至真
我的救主，我的親愛良人
我今要快跑，要跟你腳蹤
讓心與靈被吸引

心洗去灰塵，甜蜜像溫馨的愛情
現我常感到，上帝深恩
觸摸我傷痕，存情義跟我常親近
讓我被吸引，共你兩心印！

今早我把這首詩歌抄在一本舊筆記本上，填上chord，拿著吉他自彈自唱，臉上充滿甜蜜的笑容。
放下吉他後，我巧合翻到筆記本的某一頁，一看，是99年11月底做的一段主日筆記：

摩西詩篇283

信仰最好去跑呢條路的方法，就係好似雅歌所講你同神有呢段感情。
連事奉的頂峰，都唔係你所期望，你所期望就係同神有一段感情，你係滿意同甜蜜。

事奉唔會跌倒的秘密就係：你根本唔係為左私慾。
如果你親近神，聽神的聲音就係為左教會大，你跟從神就係為左某一個目的，我想問下你，當個樣野達到之後你會唔會再禱告神，跟從神？
唔會！你突然間變成另一個人，你突然pair唒，因為你要達到的野已經達到，係好正常。

究竟你跟從神係為左威丫？你為左乜野先？
如果你只係想同神發展呢段感情，你的信仰會好甜蜜，歷久不衰。
我唔係為左大教會，為左人的尊重，所以我就算得到或失去呢D野都冇制止我繼續同神發展呢段感情。

雅歌：願你吸引我，我就快跑跟從你。
千祈唔好為你人生訂一樣目的你次於神，因為你達到呢個目的你就會變。
以同神發展一段甜蜜的感情成為出發點，你一生受用不盡。
人地只會羨慕你，好多人寫書話點解你有一間大教會，大神蹟，但佢地都唔會得到呢D野，因為佢地係為左大教會睇呢本書。

親愛的爸爸，
你係我地每個人的天父。
係你心目中，你看我同你之間的關係，係最重要。
但唔係咁多人係咁認為，佢地認為人的讚賞係最重要。
你係第一個咁樣去尋找我的人。
神呀，今日我願意同你發展呢段感情，你比任何人更願意擁抱我，解決我的問題，聽我的禱告，回應我的問題。
你係第一個對我有興趣的人！
讓我唔好為其他的野疲於奔命，唔好為別人的稱讚或者復興燃燒我一生，我完成復興呢個使命係因為我愛你，無他！