目前日期文章:200601 (7)

瀏覽方式: 標題列表 簡短摘要

好喜歡新CD裡這首「萬眾一心頌讚」呢!
特別是它的編曲,展鳴的演譯,都帶出一種充滿生機、盼望,欣欣向榮的氣氛,正好配合新的一年,新的開始!

萬眾高聲頌讚,響遍千萬里,
萬眾舉手稱讚,態度善良、真誠,
全地萬物皆和應,雷電發聲響四極,
滄海、山嶺、穹蒼皆向耶穌致敬!

現在赤誠的感覺就像站在起跑點上──
一方面,看見自己的信仰是如此幼嫩,許多地方幾乎是由零開始,不免有點心寒;

但另一方面,當我誠實地察驗自己,我很高興地發現:

在我內裡的衝勁,對信仰的freshness、期盼,
對真理和改正的接受程度、心態,
比起十七歲初信時絲毫沒有減退。

「冇問題,我不過啱啱起步o者,我仲有排去!!」

能夠不斷回復起跑那份衝勁、盼望與態度,就是神賜給我最大的本錢,

赤誠 發表在 痞客邦 PIXNET 留言(0) 人氣()

昨天下午接到一個電話,是我公司的Group head打給我。

「恭喜你!公司決定升你做Assistant manager。
黎緊你既工作性質會同以前唔同,希望你今後同我地一齊努力,攪好第三組...」

感謝主呀!

其實上星期,是我主動向公司提出,我願意承擔更大的責任,希望公司把我進升為AM。在於我過往的性格,我是一定不會這樣做的──

這麼多年,我的工作取向一直都是──輕省、唔黐身,人工少d唔緊要,最緊要可以準時放工,最好可以在公司時間做自己野...

所以在頭一兩次與屬靈媽媽傾談的時候,我著實對她「一元傳道人」這個身份感到困惑,忍不住問她:
「你唔覺得返工好side時間,好冇意義架咩?」

在我近乎中世紀修道士的信仰心態,真是巴不得早日自費全職,可以整天躲在密室裡讀經、禱告,單單做「屬靈」的事情或幫助教會、領袖做實際事務。

所以,在我的思想:如果有人如此萬幸,可以在教會裡全職,還會在商業機構兼擔一份full time工作...只有兩個可能性:

一、呢個人一定係好唔屬靈,
二、佢一定係被迫!

赤誠 發表在 痞客邦 PIXNET 留言(0) 人氣()


Beautiful Lord wonderful Savior
I know for sure all of my days are
Held in Your hand
Crafted into Your perfect plan


You gently call me into Your presence
Guiding me by Your Holy Spirit
Teach me dear Lord
To live all of my life through Your eyes

I'm captured by Your holy calling

Set me apart
I know You're drawing me to Yourself
Lead me Lord I pray

Take me mold me
Use me fill me
I give my life to the Potter's hand

赤誠 發表在 痞客邦 PIXNET 留言(0) 人氣()

續  神的時代計劃

我地既工作唔係攪掂你自己既信仰咁簡單!我地係可以打敗巴比倫呢個系統!

有一日,當我地喺香港呢個地方確立左天國既系統,神會成為佢軍隊既元帥,踢走天上屬靈氣惡魔。到時你會見到,天上執政、掌權的有咩變化──行神跡會好易,帶人信主會好易,d人既心田會完全唔同!威爾斯大復興典型就係,天空屬靈氣惡魔改變左,一腳踢左佢落台,擺左神既使者上去。

但我地個人係無辦法做到架!就算主耶穌當日活喺呢個世上,佢都唔能夠一日帶三千人信主、成為愛主既門徒。因為佢顯示既,只係一個個人,一個神跡佈道家既榜樣;但教會卻能夠顯示到信仰既面面觀──有人做生意、有人做文員、教師、學生、家庭主婦,各自喺佢地既崗位當中見證神。

喺呢個受膏既系統下,弟兄姊妹和睦同居,有咁多唔同既榜樣,d人一信主好快就改變、好短時間就愛主。因為有跡可尋,佢地知道點樣做。

如果我冇呢間教會,呢二十年我自己笠埋喺屋企睇聖經,我做唔到今日,更加似主耶穌基督。我係需要你地,而你亦需要我。我地係彼此需要!

你地每一個人既突破,第日會帶黎一個群體既突破。群體既突破令大山都要溶化、小山都要流奶,連政府、政要都會願意祝福呢種事奉。我相信,喺今年,我地就要入去。

而家你就明白點解撒旦千方百計要拆毀弟兄和睦同居,佢最鐘意製造紛爭、混亂、人事糾紛──係呀,「我地個個都勁,勁到好似日華、傳威咁」,但你各自為正就收工啦!因為我地個人係打唔敗一個系統!

打敗天空屬靈氣惡魔,唔係叫你搭架七四七上去做d乜野,當神對我地滿意,佢會喺靈界去做。係神趕走迦南人,但要佢既子民去接收!我地要做既就係和睦同居,知道呢樣野係幾咁緊要!

撒旦不斷挑動以色列人埋怨領袖,佢地要得到佢地想要既野。但教會存在,係為左讓神得到佢要得到既野,唔係讓任何人得到自己想得到既野。因為我地有一個好大既計劃,喺神既腦裡面。個個唔係你同我既慾望,個個係神既計劃!

赤誠 發表在 痞客邦 PIXNET 留言(0) 人氣()


嘩,發達!

我一直都有呢個疑團──

在某些領域上,聽神的聲音已成為我一個機能--
對我來說是很自然,很日常的,不需要背景音樂,方言禱告,無論是搭緊巴士、食緊飯、同人傾緊計,在不同的地點、時間,我都常常聽到神向我的內心說話。

但當我嘗試恩賜運作接收別人的資料,嘩,真係宣告輕鬆──簡直咩殺手簡都出齊唒。

但今日屬靈媽媽突然點通左我一樣好重要既野呀!

係喎,我成日諗咩,神咪容易同我講個方面既野囉!

我淨係同神傾我自己既野(神你想我做d乜野,我要改d乜野)佢咪同我講關於我既野囉!
我好鐘意神的話,好鐘意研讀,神咪同我講經文,講教導囉!
因為我喺呢方面建立左好多「回憶的勾」。

但而家我要學習做領袖麻,學習祝福人,我就唔係淨係做好自己。
用返一樣既方法同神傾計,不過係問神關於人地既野,帶住心態,我點可以更幫到、祝福到別人。

赤誠 發表在 痞客邦 PIXNET 留言(0) 人氣()

主日後與姊妹們吃飯,言談間講及到,赤誠將來結婚的時候,打算怎樣舉行婚禮。

哈哈,這個問題其實赤赤多年前已經想過了──

幾年前的婚禮版本是想在灣仔會展新翼舉行結婚感恩崇拜;大廳的其中一面要全是落地玻璃,讓我可以看著外面的大海,張開雙手,向神大聲頌唱:

獻上頌讚,要吶喊,要頌揚;各處頌讚,眾山歡呼發聲;
遍野萬里也和應、讚頌,眾海呼喊,傳揚上主!
快慰和唱要述說你權能,願永愛著你,我這心不變改,
這世上永再沒有別事情及你。

唔知係咪隨住年紀漸長又未嫁,近年的版本越黎越現實──
近近地喺嘉湖海逸酒店就算。哪!方便初信,又方便其他弟兄姊妹,車錢都懢返。嗰個大廳咁open,仲可以順便俾商場途人聽下詩歌,傳埋福音(即係匯豐對出既自動樓梯望落去嗰個open area呢)。

姊妹們聽罷赤赤的大計,當然是好像你現在一樣──捧腹大笑:
「嘩,乜你連唱咩歌都已經揀埋!」

赤誠咁有自我價值,當然不怕娛人、娛己。我也和她們一起笑到反轉。

晚飯後,剩下我和好友二人散步,我們繼續這個話題。

赤誠 發表在 痞客邦 PIXNET 留言(0) 人氣()

  • Jan 04 Wed 2006 11:51
  • 言語

以往在長假期裡,我也會找一些娛樂,例如看卡通片、打策略 game 或約姊妹出街逛;但在上星期那個 rebuke 節,內心有種迫切感,就像處身會考前夕,完全不想浪費半點時間。

廿六、七那兩天公眾假期,除了跟進,撒種幫姊妹辦事,與姊妹吃飯交通,其他時 間我都躲在睡房聽帶、禱告、親近神。

星期二下午,我在聽12月18日的主日訊息,牧師提到,在這兩年裡,我們必須 很謹慎自己的言語, refine 我們口裡每一個宣告 。

當我聽到這裡,心裡忽然冒出一句說話:
「講返合乎你身份既野,淨係做好呢樣,一年之內你都入到希伯崙 。」

可以想像,我立即對「言語」這個題目何等重視...

在錫安長大,我一向覺得自己在說話方面都OK的──很肯定,我從來不會說「死喇!」這類說話,我也有用「宣告xx」這方法來表達一些負面的意思。

但那天當我細心反省,便發現以往我會慣性地貶低自己,例如在面對責任或新挑戰時,常常會耍手另頭話自己唔得。

長大在中國人社會裡,我一直不為意這是錯誤的──即係都覺得自己幾謙卑、幾有生命個種^^" 但原來這只是中國人常怕樹大招風的「假謙卑」。

真正屬神的謙卑是我按著祂給我的屬靈身份,看自己合乎中度。

當我思想這點的時候,不期然又想我的屬靈媽媽──

赤誠 發表在 痞客邦 PIXNET 留言(0) 人氣()

找更多相關文章與討論