|
這星期真是超忙碌． 因為下星期一要搬屋，入了CAMP就執唔到． 跟住公司請唔到假，星期三要晨早出市區返工，放工再入返去食飯，聽歌睇VIDEO，半夜返加南． 工作上因為要出JOB，每天都要開足引擎應付． 今天除了返家聚，就是忙搬屋的事情，剛才總算告一段落，但已累得幾乎站不穩． 不過，不過，這星期也是很快樂的一周． 很多很多事情令我很感恩，很感動！ 首先要多謝姊妹們的鼎力相助． 沒有了你們真是不可能在兩三個小時內PACK到十幾廿箱野． 非常多謝你們無條件的愛心付出，百倍祝福！ 當然更多更多是要多謝爸爸，你對我真是太好了． 其實這次出JOB，當中的恩典真是多不勝數． 例如同一個JOB的所有AUDITORS都要上北京，只有我特別安排留在香港．CLIENT每天準時清場收工，我們想OT都唔得（真是正中我下懷^^）．．． 而且我與同事相處非常融洽，讓我可以見證基督徒的祝福． |
- Feb 01 Sun 2004 08:00
搬屋
- Mar 29 Sat 2003 08:00
攪笑醫治見證
尋日朝日當我搭巴士返工既時候，覺得隻右眼好痕，咁我就成日用隻手卒佢。
咁可能因為最近空氣真係宣告唔多菌啦，到中午lunch hour我就知道事態嚴重喇。
隻右眼無端端刺痛，好似有野吉到，眼水係咁冒出黎。我拿住塊鏡猛咁照，想睇下係咪有野走左入去，但係又冇。
我讀書個時都試過呢D情形，因為當時戴隱形眼鏡整得唔乾淨，隻眼入面生左一粒野，要睇醫生，搽藥膏，痛成個禮拜先好得返，總之…好麻煩啦！
你唔會想像到我當時即刻做D乜野…
我決定唔理佢，繼續食飯同埋最重要…睇我既卡通片。
因為最近係大陸買左套好好睇既卡通片，有成幾十集，我就帶埋返公司，用lunch hour一路食飯一路睇。一日先得個一個鐘，點可以俾呢D區區眼水，小小苦楚阻住我睇卡通片架。
我有種技能，就係一高度專心(例如打機)就可以忘卻哂所有肉體發出既訊號，可以唔駛訓覺，唔駛食飯，唔駛上洗手間。
所以一播套卡通片，我就唔記得左隻眼痛，淨係間唔中用紙巾印眼水。
到左中場播歌既時候…我至想起…未祈禱呀。
咁我就暗住隻眼，好簡單咁祈禱：「奉主耶穌既名字得醫治，阿門。」然後繼續睇VCD。(呢D唔知叫唔叫信心既行為呢？)
跟住…哎呀！光陰似箭，咁快就一個鐘，冇得睇喇，我終於得閒理下我隻眼。呢個時候，連本來冇事既左眼都一齊流眼水…唔通？
就係好返囉，我都唔明關隻左眼咩事呀，我淨係知道左右眼忽然流出一行眼水，跟住右眼個種刺痛既感覺就冇左啦。真係恩典，恩典！
榮耀歸俾神呀！
Original posted on 29.3.03
- Nov 18 Mon 2002 08:00
感恩詩歌
Just let me say how much I love You. With all my heart I long for You. For I am caught in the passion of knowing this endless love I found in You. And the depth of grace, the forgiveness found, to be called a child of God. Just let me say how much I love You. O my savior, my Lord and friend. 這首詩歌"全然傾出心中的真愛"是97年恩賜運作的時候,唱的第一首詩歌. 剛才lunch hour的時候,我不停在聽...回想過去和感恩是常常佔據我思想的一種狀態. 在大學讀書的時候,有一次我在自修室裡,一面塞著headphone聽詩歌,一面在溫書.忽然想起剛才在課堂裡如何大出風頭,想起同學佩服的眼神,心中飄飄然,覺得自己真是了不起.這時耳筒裡傳來這詩歌: How can I forget all Your benefit to me. You forgive my sin and all iniquities. You heal me when I'm sick, from the pit You set me free. You crown my life with Your love. 我的心頓然軟化,我看見自己的軟弱和不配,伏在桌面降服在神面前,我怎可以忘記...我怎可以忘記神的一切恩惠. 當我的心或偏於邪,當我跌倒的時候,神常常用感恩把我挽回. 另有一次我在好朋友的家中,半躺在她新買的IKEA布椅中, 姊妹隨手拿起結他,開始安靜地彈唱一首舊詩歌. |
